Eins og endranær stóð FA vörð um frjáls viðskipti og virka samkeppni, meðal annars með aðhaldi að ríkisstofnunum í samkeppnisrekstri og tillögum um sparnað í ríkisrekstri og einföldun regluverks. FA stóð í málarekstri vegna tollamála og samkeppnishamla og veitti einkarekinni einokun á Keflavíkurflugvelli málefnalegt aðhald. Mikil gróska var í starfi millilandaviðskiptaráðanna þriggja, enda alþjóðaviðskipti í brennidepli. Árangur náðist í gömlum baráttumálum á borð við lækkun fasteignaskatta. Félagsmönnum fjölgaði, meðal annars með inngöngu öflugs hóps ferðaskrifstofa, og samstarfið við samtök á borð við Vörustjórnunarfélagið var dýpkað. Félagið efndi til fjölda viðburða og haustferð var nýbreytni sem félagsmenn tóku vel. Smelltu á fyrirsagnirnar hér að neðan til að kynna þér betur starfsemi FA árið 2025.