Aðildarfyrirtækjum FA, sem telja að halda hefði átt áfram aðildarviðræðum við Evrópusambandið, snarfækkar á milli ára samkvæmt niðurstöðum árlegrar könnunar á meðal félagsmanna. Þá hefur stuðningur við ESB-aðild Íslands minnkað verulega.

Nýr landbúnaðarráðherra hefur orðið við óskum Félags atvinnurekenda um að félagið fengi aðild að því „þjóðarsamtali“ um landbúnaðinn sem boðað var til með stofnun starfshóps um endurskoðun búvörusamninga.

FA efnir til opins fundar á undan aðalfundi félagsins 2. febrúar næstkomandi. Yfirskriftin er Áskorendurnir – fyrirtækin sem hristu upp í markaðnum.

Afnám tolls á innflutt kartöflusnakk, sem tók gildi um áramótin, hefur nú þegar stuðlað að verulegri lækkun á verði ýmissa snakktegunda í verslunum.

Framkvæmdastjóri FA skrifar í Viðskiptablaðið um nýja ríkisstjórn og tollasamninginn við ESB.

Þorri félagsmanna í Félagi atvinnurekenda er ánægður með starf félagsins, samkvæmt niðurstöðum árlegrar könnunar meðal félagsmanna. Samanlagt segjast 84% ánægð með starf félagsins í heild, samanborið við 76% í fyrra.

Í tilefni af kínversku áramótunum munu Íslensk-kínverska viðskiptaráðið og Kínversk-íslenska menningarfélagið fagna ári hanans föstudaginn 3. febrúar.

Nokkur innflutningsfyrirtæki hafa stefnt eða ákveðið að stefna ríkinu og krafist endurgreiðslu útboðsgjalds sem innheimt hefur verið vegna úthlutunar tollkvóta fyrir búvörur. Fyrstu málin voru þingfest í Héraðsdómi Reykjavíkur í dag fyrir hönd Innness og Sælkeradreifingar. Samanlagt nema kröfur fyrirtækjanna hundruðum milljóna króna.

Af bréfi atvinnuvegaráðuneytisins til FA má ráða að ekkert samráð var haft við fulltrúa innflytjenda eða neytenda áður en ákveðið var að breyta fyrirkomulagi útboða á tollkvóta á búvörum, sem þegar hefur leitt af sér verðhækkanir sem munu skaða samkeppni á búvörumarkaði og hag neytenda.

Ávinningur fyrirtækja af því að fara í gegnum jafnlaunavottun er meiri en umstangið, um það voru frummælendur á morgunverðarfundi Félags atvinnurekenda sammála.