Félag atvinnurekenda efnir til opins fundar á undan aðalfundi félagsins, sem haldinn verður í Nauthóli fimmtudaginn 4. febrúar næstkomandi. Yfirskrift fundarins er „Skapandi greinar – ný mjólkurkýr?“ og verður þar fjallað um vaxandi verðmætasköpun listgreina á borð við kvikmyndagerð, tónlist og hönnun og framlag þeirra til útflutningstekna og hagvaxtar. Dagskrá fundarins er eftirfarandi:
14.00 Menntun er drifkraftur sköpunar
Illugi Gunnarsson mennta- og menningarmálaráðherra
14.15 Við elskum það sem við gerum
Guðný Guðjónsdóttir, forstjóri Sagafilm
14.35 Listgrein/atvinnugrein
Sigtryggur Baldursson, framkvæmdastjóri Útón
14.55 Tíska á krossgötum
Steinunn Sigurðardóttir, fatahönnuður
15.15 Falda aflið sýnir sig
Ólafur Stephensen, framkvæmdastjóri Félags atvinnurekenda
Fundarstjóri opna fundarins er Hanna Katrín Friðriksson, framkvæmdastjóri hjá Icepharma. Fundurinn er öllum opinn meðan húsrúm leyfir.
Að loknum opna fundinum er kaffihlé um kl. 15.30 og venjuleg aðalfundarstörf hefjast kl. 16.
Auglýsing fundarins í Fréttablaðinu í dag
Skráning á fundinn
