Komdu á hádegisfund um tolla og vörugjöld, miðvikudaginn 18. júní kl. 12
Tollar og vörugjöld á Íslandi eru flókin og illskiljanleg. Félag atvinnurekenda vinnur nú að því að grisja tolla- og vörugjaldafrumskóginn og efla vitund landsmanna á ósanngjörnu, flóknu og á köflum fáránlegu kerfi sem enn er við lýði.
Við viljum bjóða þér að skoða málið með okkur svo þú getir svarað nokkuð framandi spurningum:
• Eflir tollakerfið heimilisfriðinn?
• Getur verið að tollar séu óþolandi fyrir fólk með óþol?
• Hefur tolla- og vörugjaldakerfið sérstakan áhuga á því sem fram fer inni á baðherbergi?
• Hefur tollskráin skoðun á því hvers konar bindiborða skal nota við að binda saman pakka til flutnings?
• Af hverju eru Íslendingar allt í einu sólgnir í kornflögusnakk?
Spreyttu þig á ólukkuhjóli íslenskra vörugjalda og tolla, styddu við 5. Falda afl Félags atvinnurekenda og smakkaðu á matvörum sem gætu verið uppistaðan í ”tollakúrnum”.
Við vonumst til að sjá þig í húsakynnum Félags atvinnurekenda, Húsi verslunarinnar 9. hæð, miðvikudaginn 18. júní kl. 12.00. Boðið verður upp á léttar (en þungtollaðar) veitingar.
