Aðalfundur Félags atvinnurekenda fer fram á Grand Hóteli Reykjavík við Sigtún kl. 14 fimmtudaginn 27. febrúar næstkomandi.
Dagskráin er eftirfarandi, skv. lögum FA:
1. Skýrsla stjórnar um starf félagsins árið 2024.
2. Ársreikningur lagður fram til samþykktar.
3. Fjárhagsáætlun og tillaga um félagsgjöld lögð fram til samþykktar.
4. Tillaga stjórnar um breytingar á lögum félagsins.
5. Kjör formanns FA
6. Kjör tveggja meðstjórnenda í stjórn félagsins.
7. Kjör skoðunarmanns.
8. Kjör þriggja manna í kjararáð félagsins.
Stjórnarkjör
Að þessu sinni skal kjósa formann og tvo meðstjórnendur í stjórn félagsins til tveggja ára. Framboðsfrestur rann út í dag. Guðrún Ragna Garðarsdóttir framkvæmdastjóri Atlantsolíu lætur á aðalfundinum af embætti formanns eftir fjögurra ára starf, en það er hámarkstími samkvæmt lögum félagsins.
Eftirfarandi framboð bárust
Til formanns:
- Friðrik Ingi Friðriksson, forstjóri og eigandi Aflvéla og Burstagerðarinnar.
Í sæti meðstjórnenda:
- Dagný Guðmundsdóttir, framkvæmdastjóri Ólafs Gíslasonar & co. og Eldvarnamiðstöðvarinnar
- Lilja Dögg Stefánsdóttir, framkvæmdastjóri Lyfjasviðs Icepharma, en hún gaf kost á sér til endurkjörs.
Þetta þýðir að formaður og meðstjórnendur verða sjálfkjörnir.
Á síðasta aðalfundi voru kjörin í stjórn til tveggja ára og sitja því áfram í stjórn:
- Anna Kristín Kristjánsdóttir, stjórnarmaður og eigandi í Hvíta húsinu, varaformaður FA.
- Guðmundur R. Sigtryggsson, framkvæmdastjóri XCO.
- Leifur Örn Leifsson, framkvæmdastjóri fyrirtækjasviðs Innness.
Lagabreytingar
Fyrir liggur tillaga frá stjórn félagsins um að breyta heimilisfangi félagsins í fyrstu grein laga þess, en FA hefur flutt aðsetur sitt úr Húsi verzlunarinnar í Skeifuna 11.
Skráning
Skráning á aðalfundinn fer fram hér að neðan. Við minnum jafnframt á opinn fund, Skilar samkeppnin okkur samkeppnishæfu matarverði? sem fer fram í beinu framhaldi af aðalfundinum, kl. 15. Hér er hægt að skrá sig á þann fund. Að loknum fundunum verður móttaka með léttum veitingum í boði FA.
