FA varaði stjórnvöld við þeim breytingum, sem gerðar voru á vörugjöldum af ökutækjum í lok árs. Bent var á að starfsumhverfi fjölda fyrirtækja væri sett í uppnám með nokkurra vikna fyrirvara, auk þess sem skattar væru hækkaðir drjúgt með breytingunum. FA krafðist mun rýmri aðlögunartíma, en á þær kröfur var ekki hlustað. Hins vegar hurfu stjórnvöld frá hækkunum á vörugjöldum á sumum tækjum, t.d. fjórhjólum.
