Kjararáð FA hefur unnið að gerð kjarasamninga við helstu viðsemjendur. Ritað var undir samning við VR þann 22. desember sl. Samningurinn er sambærilegur við þá samninga sem gerðir hafa verið á almennum vinnumarkaði undanfarið. Hann gildir til loka árs 2014 og er samið um 2,8% launahækkun en þó meiri hækkun fyrir taxta sem eru undir 230 þúsund krónum. Viðræður eru í gangi við Rafiðnaðarsambandið og má búast við að frá samningi verði gengið á næstu dögum, nema að til þess komi að félagsmenn RSÍ hafni nýgerðum samningi gagnvart SA.
