Inga Skarphéðinsdóttir hefur verið ráðin lögfræðingur hjá Félagi atvinnurekenda og hóf störf í dag. Hún kemur í stað Bjargar Ástu Þórðardóttur, sem hverfur til annarra starfa um miðjan mánuðinn.
Inga er 27 ára. Hún lauk meistaraprófi í lögfræði frá Háskóla Íslands 2013. Hún hefur starfað hjá Málflutningsstofu Reykjavíkur frá því 2014. Áður vann hún fyrir úrskurðarnefnd umhverfis- og auðlindamála, hjá Logos lögmannsþjónustu og Íslandsbanka.
Björg Ásta Þórðardóttir lögfræðingur fer til starfa hjá Samtökum iðnaðarins. FA þakkar henni vel unnin störf í þágu félagsins og óskar henni velfarnaðar í nýju starfi.
