Hagnýt vinnustofa um viðverustjórnun og -samtöl fyrir eigendur og stjórnendur aðildarfyrirtækja FA verður haldin 14. apríl kl. 9-12. Skráning er hér að neðan.
Á smærri vinnustöðum vegur hver fjarverudagur þungt. Spurningin er ekki hvort fjarvera komi upp, heldur hvernig sé best að bregðast við henni og draga úr fjarveru. Á þessari þriggja klukkustunda vinnustofu fer Hilja Guðmunds hjá Mental ráðgjöf með þér í saumana á því hvernig á að taka á málum af festu, sanngirni og fagmennsku.
Markmið vinnustofunnar:
- Draga úr óþarfa fjarveru og lágmarka rekstraráhættu.
- Efla kunnáttu í að nýta Bradford-kvarðann sem og önnur gögn með gagnlegum hætti.
- Styrkja stjórnendur í markvissri viðverustjórnun, allt frá forvörnum og mótun viðverustefnu til viðbragða, eftirfylgni og endurkomu starfsfólks.
Hvað verður unnið með?
- Hvernig við nýtum Bradford og gögn til að greina mynstur og bregðast við.
- Viðverustefnu og stjórnun, hvernig við mótum slíka stefnu, hvað slík stefna kemur inn á, hvernig við framfylgjum henni og nýtum hana.
- Hvernig við opnum á samtöl um viðkvæm málefni, eins og andlega líðan og
- Skipulagning, boðun, framkvæmd og eftirfylgni viðverusamtala og endurkomusamtala.
Áhersla er lögð á ábyrgð, skýrleika og árangur.
Þú ferð heim með skýran ramma og verkfæri sem þú getur nýtt strax.
Hagnýtar upplýsingar:
- Tími: 3 klukkustundir í húsnæði FA í Skeifunni 11 B
- Leiðbeinandi: Hilja Guðmundsdóttir, sérfræðingur í mannauðsstjórnun og vinnusálfræði og helsti sérfræðingur Mental í viðverustefnum og stjórnun.
- Þátttökugjald: Félag atvinnurekenda niðurgreiðir námskeiðið fyrir sína félagsmenn:
- 1 þátttakandi – 10.000 kr.
- 2 þátttakendur – 8.500 kr. á mann.
- 3 eða fleiri – 7.000 kr. á mann.
