Jónatan Hróbjartsson lögfræðingur hefur verið ráðinn til starfa á skrifstofu Félags atvinnurekenda, í afleysingum fyrir Guðnýju Hjaltadóttur, sem verður í fæðingarorlofi fram í febrúar á næsta ári.
Jónatan er 25 ára. Hann lýkur meistaraprófi í lögfræði frá Háskóla Íslands í vor. Hann starfaði áður hjá Íbúðalánasjóði og lögmannsstofunni Jónatansson & co.
Starfssvið Jónatans hjá FA snýr að samningarétti, kröfurétti, félagarétti, Evrópurétti, stjórnsýslurétti, skaðabótarétti, samkeppnisrétti, vinnurétti og útboðsrétti.
FA býður Jónatan velkominn til starfa.
