Ekkert bólar á endurskoðun heilbrigðisráðuneytisins á gjöldum sem innheimt eru vegna tilkynninga um markaðssetningu á rafrettum. Umboðsmaður Alþingis lagði fyrir ráðuneytið að ljúka endurskoðun fyrir 1. mars.

Landsréttur hefur dæmt það fyrirkomulag við úthlutun tollkvóta fyrir búvörur, sem nú er í gildi, andstætt stjórnarskránni. Innflutningsfyrirtæki, sem höfðaði mál á hendur ríkinu vegna útboðsfyrirkomulagsins, er dæmd endurgreiðsla útboðsgjalds úr ríkissjóði.

Stafræn miðlun upplýsinga um matvæli er stórt sameiginlegt hagsmunamál verslunarinnar og neytenda, skrifar framkvæmdastjóri FA í Viðskiptablaðið.

Mikill ávinningur er af því fyrir fyrirtæki í matvælageiranum að nýta sér Gagnalaug GS1 til að miðla stafrænum vöruupplýsingum. Þetta kom fram á félagsfundi FA, „Stafræn bylting í vöruupplýsingum“ sem haldinn var í morgun.

Stjórnvöld hafa birt drög að reglugerð um að heimilt sé að miðla lögbundnum upplýsingum um matvörur til neytenda með stafrænum hætti, t.d. í gegnum snjallsímaapp. Þetta er stór áfangi í áralangri baráttu FA fyrir að innflutningsfyrirtæki losni við kostnað vegna endurmerkinga á matvörum frá Bandaríkjunum og fleiri ríkjum utan EES.

Samgönguráðuneytið og Póst- og fjarskiptastofnun virðast telja sig þess umkomin að víkja hluta póstlaganna til hliðar vegna ólögmætrar gjaldskrár Íslandspósts, skrifar framkvæmdastjóri FA í Morgunblaðið. Hin stjórnskipulega rétta leið er að samgönguráðherrann flytji frumvarp til breytinga á lögunum.

Mjólkursamsalan selur innlendum matvælaframleiðendum mjólkur- og undanrennuduft á miklu hærra verði en hún setur upp ef kaupandinn er erlendur. MS kemst upp með þetta í skjóli lögverndaðrar einokunarstöðu og tollverndar. Framkvæmdastjóri FA skrifar á vef Fréttablaðsins.

Félag atvinnurekenda leggur í umsögn til Alþingis til að heimild áfengisframleiðenda til að selja vörur sínar til neytenda á framleiðslustað, líkt og lagt er til í frumvarpi dómsmálaráðherra, verði útvíkkuð. Ekki verði stærðarmörk á því hvaða framleiðendur megi selja vöru sína beint og ekki heldur gert upp á milli bjórs og sterkara áfengis.

FA efnir til félagsfundar um stafræna byltingu í vöruupplýsingu og þá möguleika sem Gagnalaug GS1 veitir á miðlun upplýsinga, einkum um matvörur, eftir allri virðiskeðjunni og til neytenda.

Félag atvinnurekenda hefur sent Bjarna Benediktssyni fjármálaráðherra erindi og hvatt hann til að beita sér fyrir því að heimild til tvískiptingar gjalddaga aðflutningsgjalda í tolli verði hið minnsta framlengd út árið, en helst fest í sessi til frambúðar.